最近呢排忙到痴左線
上個再上個星期岩岩搞完園遊會
之後個星期又有勁多小考
又唔夠訓
終於上個星期六捱唔住
大病一場
好耐冇試過發燒啦
又頭痛又頭暈
d鼻涕又塞住哂
所以我都係一路訓
訓返上個星期唔夠既時間
星期日就冇發燒lu
到左今日依然把聲好唔掂
d鼻涕依然都係塞到傻
不過起碼冇頭痛頭暈先啦
都算唔錯架啦 !

下個星期就係我近四年黎
讀得最俾心機既一個期中考啦
希望快d病好
之後就可以開"恆"turbo
讀到天昏地暗啦 !
我一定要好努力好努力 !

朋友仔們快d幫我加加油啦

唔知你地學界打成點呢?
好似唔係咁好
到底發生咩事?
得閒搵你地了解下先得 !
加油呀 !

最近呢排都冇咩特別野
只係籃球打少左d
可能一個禮拜得兩次
不過我每次都打得幾認真
係到識多左好多打波既勁人
希望係佢地身上可以學到野啦 !
而且我最近發覺我既舊毛病愈來愈嚴重
我射波既動作真係太慢
而且同我一齊打波既男仔
好多都已經開始發覺到我
真係要射波之前右腳要踏一步
我真係好想改好佢
不過暫時都仲係有d難
因為如果我唔踏個步我就會成個人冇力射
仲有就係
我黎到呢度之後好敢衝
可能係因為次次都打3on3
但之不過我又發現左另一個問題
就係我過人既時候個波帶得太高
不過我會慢慢改架啦
希望打波可以打得好d啦
如果唔係既話11月中既班際就死梗啦

不過最最最重要既都係11月頭既期中考
要努力幻力先得
我要衝上去我個班top既幾個 !
希望可以啦 !

早兩日
我終於都經歷左人生之中
第一次既地震啦 !
冇話特別驚
只係有個唔錯既經驗咁啦 !
當時我岩岩訓着左
但係FEEL 到張床係度搖
不過都冇咩話好危險
因為地震唔犀利 !
仲有就係
我終於發覺
原來要感受地震唔洗去到日本 !
HAHA !

開左學工個禮拜
最近呢兩個禮拜
每個禮拜都有最少3個QUIZES
不過都唔算係好難既 !
只要你真係溫左書就得架啦
因為係呢邊讀文科真係完全靠死背 !
唔駛我動腦筋!

最近真係開心到不得了
我游水跑步打波
咩都做齊哂
而且夜晚係學校既室外籃球場打波
識到好多男仔  haha !
上個星期五
同我兩個馬來西亞既friend
出左去打保齡
平到笑
仲玩左籃球機
三個人一齊玩一部
玩到傻左

希望呢一年都可以keep住咁開心啦
有時我都真係幾慶幸自己可以黎到呢到
將一切一切都重新黎過 !
成個人真係唔同哂 !
皮膚都好左超多
可能係因為呢度空氣好啦

最近天氣開始轉涼
又有流感
大家要小心d呀 !
着多件3
記住要洗手洗手洗手呀 !