今年既聖誕節係淡水過
大半班既人都去左
住左係一間好靚既民宿
成班人飲酒
因為我既同學們大部份都18或以上
不過放心啦
我冇飲, 本人平生最憎飲酒, 太苦啦 !
玩真心話大冒險玩到有d離譜
不過又係冇我份 !
睇佢地玩笑到傻左 !

boxing day
係淡水踩單車
好鬼正呀 !
風景又優美 !

想睇相既朋友自己去我facebook搵啦
我d friend有tag我 !

好開心爸爸都有facebook啦
唔知佢識唔識用呢?

新年我唔返
大家唔洗掛住我啦
你地玩得開心d啦 !
希望我呀爸呀媽可以幫我抖多d利是啦

1月1號唔知會點過呢?
好期待呀 !

距離期未考得返2個星期
要加油加油加加油
我唔想跌返落黎
<我要努力向上, 不枉諸君寄望>

唔知st stephen 既student day今年係咩明星呢?
我係呢邊學校請左林宥嘉, tank, 孫碧娜 仲有一個新人好似叫琳琳
都幾好睇呀 !

最近呢幾日都幾凍下
氣溫徘徊係8-10度
係香港都好耐冇過呢d溫度lu
仲要呢邊既冬天係好興落住雨黎凍
真係幾凍下

我又病左
已經成個星期啦
都仲未好
因為我keep住同d friend去打邊爐
又有得食免費雪糕
所以仲未好得哂
都係有幾聲咳咁啦

星期六又地震
係我黎呢邊之後感受最強既一次
因為我當時係格仔舖
成間舖d格仔都係度搖
兼且今次真係搖得幾勁下
仲搖到我頭都暈 !

係度真係要講句唔好意思
我一直都好懶冇寫信
但係仲有20日又考期未考啦
所以我等期未考之後就一定會回信架啦
因為考完期未考就已經放寒假
我會係度慢慢寫返d信俾你地架啦
原諒我咁耐都未覆你地 !

學校既排名出左LU
估唔到係呢度真係有一番新作為
我地個科有成945人
我考第19名呀
不過其實我都有D會擔心下一次會考成點
我怕會考得唔好
只要唔好跌出20名之外就算唔錯啦
最好下次可以考到15 OR ABOVE啦
我要一直好努力
我要俾大家見到一個全新既我
仲有一個幾月又考期未考啦
真係完全唔可以鬆懈!

除此之外, 你地都要一直為我加油打打氣呀
因為有時讀到攰都真係有想放棄既諗頭
只係我覺得過度黎就冇藉口再俾自己放棄
所以先至一直咁捱落去
等待同你地再見面既一日

終於星期六睇到桃花小妹
睇左1/5集咋
我先知道原來佢地有新歌
我真係好唔開心呀 !
我愈來愈覺得係度一年之後
出返去我會冇哂佢地既消息
我聽住首新歌真係差D想喊
到底點解我可以唔知佢地出左新歌

不過首新歌真係好好聽呀 !
大家未聽既都快D去搵黎聽啦
叫做""很安靜""